Valdres Folkemusikkarkiv 

Valdres Folkemusikkarkiv er det eldste regionalarkivet for folkemusikk i Noreg. På folkemusikkarkivet finn du intervju, musikk- og danseopptak med felespelarar, langeleikspelarar, songarar og dansarar, frå 1940-talet og fram til i dag. Folkemusikkarkivet inneheld cirka 9000 enkeltspor med song og musikk.

Arkivet er ein offentleg lytteplass. Det betyr at alle som vil kan koma og lytte i arkivet, heilt gratis. Det er også mogleg å kopiere song og musikk frå arkivet. Krava for å få kopi er:

• Kopiering skal avklarast med arkivaren.
• Dersom utøvaren har gjeve bruksløyve, kan du kopiere materialet. Det er ikkje tillate å kopiere intervju.
• Dersom du kjøper ein cd-kopi, må du skrive under på at opptaket ikkje skal kopierast eller brukast til økonomisk vinning.